BCD Camp Phase-I Zat Zoh Hita

Pathian ompihna tang in, Baptist Children Department (BCD) tungtawn a Saptuam nasepna paitou thei zel a, BCD Camp Sawng masa (Primary & Junior Pawl), 3^rd Sept – 5^th Sept. 2026 sungin EBCC Delhi, Biakinn mun, Nasirpur ah zat zoh in omta. Hiai Camp hunsung “Khrist a thilsiam thak” 2 Corinthians 5:17 chih thupi a zang in Camp Speaker Heutupa Rev B. Chinkhengoupau, Youth and Discipleship Coordinator, EBC HQ in hun zang hi. Hiai Camp sawng masa pen BCD a Primary & Junior naupangte a ding a gel ahi a, Naupang 81 registration bawl lak ah Camp a hongtel naupang 77 pha hi. Toupa hoih hi. Pathian in thupina tengteng tang ta hen.

Maban ah BCD Camp Phase-II (Inter & Senior Pawl), hong tung ding 18^th Oct – 20^th Oct. 2026 sungin EBCC Delhi, Biakinn, Nasirpur mah ah zat in om nawn ding a, Saptuam mipi, Nu-le-pa kuapeuh mah in I thumna te ua lemtang bangin ana phawk tou lai ni.