PPF Delhi Nuai-a Saptuam Omte Vehna Sutzop Ahi — VCF

Saptuam heutute'n Khrist a kipumkhatna thuukseem neih di lunggulhna nei, PPF (Pastors Prayer Fellowship) Delhi nuai a saptuam omte vehna 23 Aug 2026 in kipan hi.

Saptuam/ fellowship dangte vehna Sept kha a sutzop di heutute'n hoih asak dungzui un Vaiphei Christian Fellowship (VCF) Delhi vehna, Sept 06 (Nipini) @2: 00 PM in, Pastor makaih leh tuailaite madawkna deuh in sutzop ahi. Veh a om Fellowship (VCF), AMC, Sec 4 RK Puram, 2.00 PM a kikhawm unaute hi ua, member aneu-alian, ana kihonna uh leh vaidawn siamna un a kuanlamte tha hon guan.

Lia Joicy Vaiphei (solo), huan, "VCF Trio 02" te lasak - Zekai Ngeilou Toupa (Upa T Pumkhothang/ a kiphuahna, Paite pau in) - manpha e. EBCC Delhi ai-awh a kuante Bial No. 03. TOUPA Phatna Lapawl, sak ma’n BYF ai-awh Lia Margaret Goulun in, Inter-Church Joint Youth Fellowship a theih khak khenkhatte tawh tuni a kimuh nuam leh nopsak dan gen cheuh… Tua khit, BYF (Peter Group) apan - Van Khawpi (Upa Genlallian/ A kiphuahna Vaiphei pau in), siamtak in. Hon dendan khat om.

Thutak ankuang luitu, Pastor B Paubiaksang. Thupi paipih: Christian Unity; a khennen: Forgiveness, Love, and Unity (in Christ) | Matt. 5: 21-24, 1 John 2: 6 & 9, 4: 20; Eph. 4:3. Upa JH Ginmung Guite, hunzek Khakna bawltu in pang hi.

Tutung VCF Delhi veh hun in, mi 33 vel kipaikhawm thei, TBUC member 07 tel in. Kha Siangthou ompihna kitang, nop-a-chih in nuam. Media Team thusiamna tawh media coverage lungtunhuai tak - still photos & video - om.

"Tuni hun zat khawm pen manpha mahmah e. Laa lam la nuam, thugen lam la nuam. Vaiphei pau a BYF members te lasak kingai kha ahita a, lungdamhuai lua himai maw. Lametna tampi le hon piang sak in ka thei hi. Lungtang khoih kha ma ma ei. Manglam hia chi ut sim hial ka hi. EBCC team, Pastor, Upate, nu leh pa a hong pang kha teng leh BYF Peter team members te tung ah kipak thu k'on puang non lailai di.

May the Lord God bless you all and use you for His glory as torchbearers and agents of unity among the churches."

— Chairman, VCF

Mimal, innkuan leh Prayer Cell' thumna a phawk (cover) zom di'n, maban vai tomkim -

Sept 20, 2026 | ZCF Delhi
Free Church, 10 Sansad Marg, near Jantar Mantar @2.00 PM
EBCC Delhi | Bial No. 02
TOUPA Phatna Lapawl: BYF (Jacob Group)

Sept 27, 2026 | GCF Delhi
St.Teresa Church of Child Jesus, Push Vihar, Sector-5 @2:00 PM
EBCC Delhi | Bial No. 01
TOUPA Phatna Lapawl: BYF (Johan Group)

TOUPA ngaih a etlawm, A' mit tuk luatna khat EBCC Delhi in seem kha lellel hithei hang. Amen (Ps 133: 1-3, John 17: 21). Ama'n honpi i KIPAK hi.