Khawpi Saptuam Enkoltu Pastor-te Kithuahkhawmna Kipan

EBC HQ thusiamna tawh Khawpi saptuam kemtu Pastor-te kithuahkhawmna EBCC biakinn, Delhi a 28-30 Sept 2026 sung neih di'a gel, gelna bang in Seppatni (28 Sept nitak) in kipan thei hi. Pastor-te kim uh. NUAM.

Pastorte hong tunkhawm ni 28 Sept (Seppatni) nitak 7:30 PM a TBUC in biakinn mun a kithuahpihna ana neih ding, chih leng gelna bang in pai. Member tamzaw tham kipaikhawm thei hi. PTL!

TBUC in hiai Camp vaisai di'a muang tak a a seh, Camp Arrangement Committee in lemgel siam banah, a' naa uh zou thazawh lai uh. Heutu hong zinte vanlengphual apan vapi hi chiat ua, khaknawn hilai di uh; biakinn mun (2nd floor) a a giahna di uh lemgel sak hi bok hi. Inntek saptuam fel leh zindouna lam, kipahhuai sak thu Director (Ministries) in le nitak kimuhkhawm hun in gen. Itna kisilhthuahna nasep seemkha thei 'local saptuam', i hampha' uh e maw. TOUPA hoih hi.

Heutupa Rev M Zalian Guite hon genna apan, tutung khawpi pastor te kithuahkhawmna in a tup leh paipih sawm dan:

• (a) 29 Sept - Khawpi mun tuam tuamtuam a Saptuam kemtu Pastorte'n amau hih dan, sep dan kikupna leh TOUPA' sapkhawmna chihte (amah Director makaih in) suakta tak in nei di ua, hiai in khawpi pastor-te amau leh amau khat-le-khat apan zilkhiak nei sak in, urban ministry effective seem a sep zom di dan gahsuah di'a lamet;
• (b) 30 Sept - Rev B Chinkhengoupau makaih in Khrist Nungzuihna & Nungzui Bawlna lam pang kisinsakna hun neih zomtouh hi di'a, hiai apan pastor te'n punbeh nei in, tua tawn in a kep uh saptuam chiat ah piaksawn di message kikpih nei thei di uh. Tua hileh, saptuam paipih Thupi kipiaksawn/ hawmzak dan mah le fuh leh lemtang khat suak di. Amen.

TUNI, 28 September 2026 nitak, Director (Ministries), pastor hong paite Ieh TBUC member om thei teng TOUPA' min a kithuahna hun biakinn basement ah zat ahi. Camp vaisaite, an huante, Upate, heutupa leh pastorte - Etna lam peuh "KI-ITNA & LEMNA" in vaihawm hidan in muh theih; nop-a-chih in nuam!

Camp a lut Pastor-te leh a kep uh saptuam pawlpite:-

1. Pastor N. Khualmang (EBCC Guwahati)
2. Pastor T Daikhankhup (EBCC Shillong)
3. Pastor Khamzalam (EBCC Bangalore)
4. Pastor K. Thangsuanmung (EBCC Chennai)
5. Pastor Khenthang Buansing (EBCC Kolkata)
6. Pastor Suanmung Guite (EBCC Dimapur)
7. Pastor T Vungmuanlal (EBCC Diphu)
8. Pastor Lalduhsaka (EBCC Mumbai)
9. Pastor T. Lamkhanthang (EBCC Delhi)
10. Pastor B. Paubiaksang (EBCC Delhi)
11. Pastor T. Jambiaklal (EBCC Central Delhi)

EBC HQ Apan Heutute:

1. Rev M Zalian Guite
   Director of Ministries, EBC
2. Rev B Chinkhengoupau
   Youth & Discipleship Coordinator, EBC (amah 29/10/2026 a hong tung di'a lemgel ahi).

Heutupa, Rev Zalian in nuihiau kawm in, "Khawpi a om saptuamte adi'a, (Dir./ Ministries) a DS uh ka hi," chi hi. Ahihtak chu! Local saptuam tamzaw in DS nei; Local ->DS ->Director -> EBC HQ. Khawpi a om saptuamte in, bel, tu-le-tu a EBC HQ, Dir (Ministries) tawn in ki-dawl zel; Director (Ministries) in DS role play khawm ahimah ahi.

Saptuamte "Tutan Honpi", limbelh TOUPA ahi. TOUPA lak ah kitulut zom zel ni hang. The best is yet to come...