Ephesa Khopi Saptuam Kem Ding Zonna
Sawltak Paul in Ephesa khua ah kum thum vel khawng teenchilh in, Pathian gam nna nakpitak leh lohching takin seem hi. Tua a sepdan Nasepte Bung 19 & 20 sung ah i mu thei hi. Ephesa khopi a om saptuamte kem a, thugin bulpite sinsak ding in a seppih/a nungzui Timothi a koih hi. A koih kia hilou in saptuam heutu ding leh saptuam upa ding teelkhe ding in thu pia hi. Tua bang ding mite hiai bang hihna neite hi ding ahi chi in “1 Timothi 3:1-10 sung ah” theisak lai hi.
t.1 - Kuapeuh saptuam heutu a pan ut in nnasep hoih a ut ahi, chih a dik ahi,
t.2 - Huchi’n, saptuam heutu tuh gensiatbei, zi khat nei, kidekthei, navak tak, mi diktat, mi pahtakdan siam, thuhilhsiam,
t.3 - Uain kham hatlou, mi vuak hatlou, mi nunneem hi zaw ding, selhatlou, sum deihta lou,
t.4 - Zahtakhuai taka tate kep siam, amah innsung vaihawm kizen taka hihsiam mi hi ding ahi;
t.5 - Mi’n amah innsung vaihawm nangawn kizen taka a hihsiam kei ngal in, bangchi’n ahia Pathian saptuamte a kep theih ding?
t. 6 - Gingthak mi ahi ding ahi kei, huchilou in zaw kisathei in a om dia, diabol siamlouh tansakna ah a puk kha ding.
t.7 - Huaite louleng, pawlam mite phat in a om nalai ding ahi, huchi lou in zaw, gensiat a a om in, diabol thang (trap) ah a awk kha ding.
t.8 - Huchimah bang in, saptuam upate tuh mi zahtakhuai ahi ding uh ahi; kamtamte, uain haite, lepna niin a huaiham mite ahi ding uh ahi kei;
t.9 - Sia-le-pha theihna siang a ginna thuguk kem mi ahi zaw ding ahi.
t.10 - Huan, huaite leng chet in om masa uh hen, huai nung in gensiatbei a hong hih uh leh, saptuam upa nna sem uh hen.
Pathian tangtawn thiltup hih pichinna ding a nna poimoh tak sepna a mohpuakna got a om ding chih thupi lua, kilawp leng kilawphuai law mah ahi. TOUPA Grephuan a nnasem dingin a tung-ate i et leh
- khawtang a midangte toh hinkhua vai
- mimal omdan gamtat-khohei
- nektak-zonna hinkhua
- innkuan a hinkhua vai
- ginna a pichinna vai;
- nek-le-dawn vai hiaite poimoh ana hi, hon chisak hi.
Maban zek a Saptuam kemtu di mi 03 zonna 31 Aug & 7 Sept 2025 a i neihna di uah, a tunga thute limtak a ngaihsun leh thuum kawm zel in deihteelna i neih chiat uh i zangkhia uh.
AWLE. TOUPA’N, A’ saptuamte hoih in hon vuk hi.
Hallelujah!
