TBDC Advent Christmas 2025

Tualsung Baptist Dorcas Committee (TBDC), EBCC Delhi saina in December 6, 2025 zing dak 10:00 AM a kipan in Advent Christmas zatna Biakinn mun ah om ding. Hiai hun ah thugentu in Nu Zouthanpuii Tombing w/o Pumsuanlal Tombing, Dehradun pang ding.

Hiai hun session 2 a khen in zat hi dia, biakkhawmna hun nuamtak, tukum nipi skul zillai tangvom theivek teng in genkhawmna bang, Ephesate laibu pumpi gensuakna bang, Dorka Bial tuamtuamte lapawl kitaiteh leh report ngaihnuamtak ngaihkhiakna om ding.