"Tuailai Hun Manpha"

Mihingte i damsung a hunhoih leh manphapen tuh "Tuailai hun" ahi. I neulai in nungak/tangval hun i ngaklah a, i hong upat chiang in i tuailai hun i nunget a, i ngai mahmah hi. Toupa'n leng hiai hun amah dia i zat ding hon lamen hi (Ekl 12:1-5). Tuailai hun poimohdan article ka gelhna khat ah hiai tuailai hun bang n'on chizat hiam chi a Toupa'n a tuam a i account piak ding hon ngiat maithei ahi ka na chi.

Khrist' mel taangsak or a kilawmna i suahkhiak theihna ding in thil gilou apan kikep siangthou poimoh hi (Phil.2:12-13). Khrist' hihna toh kituak lou leh kilawm lou hi a i theihte tuh kihepkhiaksan ding ahi. Huai tuh khovel thil ah sacrifice ding a om ding a, nang' personal reputation tanpha hon effect-kha thei hi. Toupa' min a 'i" na chihngamna zahzah in amah apan kipahna leh vualzawlna na mu ding hi. Ban ah a neipa adia phatuam, nasep hoih chiteng adia mansa hihkhak tuh hamphathuai chi ou. Nasep hoih chiteng adia mansa chih tuh a neitu a ding kia hilou a innkuan, khotang leh saptuam adia manpha chihna ahi. Huai tuh i nasep hoihte ziak in. Amen!

Khrist adia manpha i hihna di'n valnou duhgawlna (sa-utna) taihsat ding chih ahi nawn hi. A man piak ngai chihna ahi. Hiai tuh tuailai hun adia tempting mahmah khat ahi a Setan in leng a zat thupipen khat ahi. Hiai zang a Setan in tuailai tampite khempuk in a hinkhua uh susia hi. Kiten nung a numei-pasal toh kisai a buaibuai i chihte hiai tuailai hun a khempukna omte ahi nuam hi. Ban ah lungtang siangthou a Toupa' min lou - bangkim a Toupa dong kawm a, thuumna hinkhua zangte Khrist adia manpha, amah a kilawmna suahkhia tuailaite ahi.